Hugarflugur Ingu

ég er flutt!!!

2006-11-25T18:56:00.000-08:00

.. nú er nótt og ég er flutt yfir á nýtt blogg. Vonandi verður það mér ekki til jafn mikilla ama einsog þetta blogg og prumpubloggcentra.is. Þetta jukk þarna hægra megin á síðunni fór alveg með mig og vegna skorts á tölvukunnáttu reyndist það mér þrautin þyngri að laga þetta svo ég startaði nýju.

um að gera að heimsækja mig þangað.

www.ingufluga.bloggar.is

.. ég ellllllska..

2006-11-21T11:37:00.000-08:00

.. snjó og skammdegið! Love it, mér finnst svo kósí að kveikja á kertaljósinu, jú nó;o)

.. annars held ég að nágrannarnir hafi skemmt sér vel þegar þeir sáu mig sveitta vera að moka frá bílnum mínum sem stóð pikkfastur úti á miðri götu í dag, spólandi útí eitt, "greyið þessi, enn á sumardekkjunum" jú mikið rétt, ég held ég þurfi að fjárfesta í góðu setti af vetrardekkjum, ekki nenni ég að standa í þessu á hverjum degi.

.. ekkert nýtt í fréttum, nema hárið mitt, það varð mikil breyting í dag. Nýtt hár á ingunni. spurning um að skella því á filmu og setja í albúmið sem er bæ the vei enn í vinnslu. Allt kemur þetta nú.

.. já og sölvi skilaði sér heim e. förina til Rika. Mikið var nú ljúft að fá kallinn heim :)

knúúúús til allr, þrjóta sem óþrjóta.

Inga

helgin..

2006-11-12T12:25:00.000-08:00

( ... Inga og nýja vélin... )

..var dásamleg! Á föstudaginn var gæsin hún systir mín gripin glóðvolg á miðjum vinnudegi. Tilgangurinn var jú að spila með stúlkuna, gæsa hana einsog það heitir á góðri tungu. Við létum hana hvorki ganga í froskabúningi niður laugarann né setja á sig negra dildó. Þetta var afskaplega hugguleg gæsun þar sem m.a. var farið á vox, í hljómskálagarðinn og í vesturbæjarlaug.

Annars hefur helgin varið hin rólegasta, ég er grasekkja og því rólegt í kotinu. Haldið mikið til hjá foreldrum mínum, farið í mat til tengdó og ný komin úr kaffiboði. Það má alltaf á sig blómum bæta.

... Ég er að detta í dágott jólaskap, desembermánuður verður svo ótrúlega skemmtilegur, giftingin hjá systu, jólahlaðborðin, afmælin.. að ógleymdum blessuðum jólunum og öllu því sem þeim tilheyrir. Mmmmm.. æði.

Annars fátt nýtt.. ég er svo gasalega sátt við myndavélina mína og er að hafa mig alla við að gera myndaalbúm á 123.is, snilldar síða.

bæ í bili

inga

myndavéladella.. hvað er málið!!

2006-11-09T12:02:00.000-08:00

Ég veit ekki afhverju bloggsíðan mín er orðin nördaleg myndavélabloggsíða ennnn.. ein svona myndavél er komin með heimili. Hættum við Nikon vélina þar sem hún var dýrari en við héldum og þessi var á tilboði í grjónalandi. Hún er ferlega krúttleg og ég get eytt mörgum stundum með henni.. þvílíkar gæðamyndir sem koma úr svoa græju. Þá er bara að stofna almennilega myndasíðu og taka þetta með trompi..
(við eigum ekki alveg svona stóran rana eins og þessi til hægri er með)

hvað um það..

ég er auðvitað að vinna, alltaf að vinna þessa dagana. Fæ þó frí um helgina og ætla ekki að taka aukavaktir, þrátt fyrir myndavélakaupin. Svo er ég grasekkja þangað til kallinn lætur sjá sig næsta þriðjudag, ferlegt ástand þetta, spurning um að bjóða bara einhverjum stúlkukindum í gin og rautt.. sjáum til með það ;o)

Annars ekkert nýtt.
knús og kram..

ingsa

ný og fín myndavél..

2006-11-06T01:54:00.000-08:00

.. við skötuhjú erum að fá glænýja ógíslega flotta NIKON myndavél. Vorum að splæsa í eina slíka. Hún kostar einar 147.000 kr í Ormson en við fáum hana frá fæðingarlandi hennar, þ.e Japan svo þar er hún á góðum prís.

lyftufælni

2006-11-05T11:40:00.000-08:00

jæja.. sinnuleysinginn ég ætla að fara að blogga aftur vegna fjölda áskoranna.. eða þannig;)
ég fór nú í smá fýlu útí bloggið, ég var búin að skrifa hér færslu eftir færslu og alltaf kom error þegar ég ætlaði að setja færsluna inn.

Allavega.. at the moment er ég föst inni á spítalarassgatinu og er ekkert hress með það, veit ekki hvað það er en nú er ég að ganga í gegnum neikvæðnistímabil, ég ætla að hætta að vinna hérna í vor!! Ég festist inni í lyftu áðan og varð ekki hress með það. Stóð eins og illa gerður aumingi föst inni í lyfturassgatinu og hringdi á neyðarbjölluna og bað öryggistittinn vinsamlegast um að losa mig úr prísundinni. Það ber að geta þess að ég er með lyftufælni og tek oftast stigana svo núna stíg ég ekki fæti inn í lyftu aftur.

Annars er allt svo gott og gaman, fyrir utan það sem er vont og leiðinlegt. Fór út að borða í gær í boði tengdamömmu og gæddi mér að svartfugli sem var ólýsanlegur. Á fimmtudaginn héldum við Sölvi matarboð sem heppnaðist frábærlega, elduðum unaðdslegar lundir guttorms og renndum honum niður með rauðu. Við buðum til okkar 5 manns og kvöldstundin var afskaplega notarleg og góð. Ekki slæmt það.

jæja.. vinnan kallar og allt það. Spítalinn er fullur af fólki sem veit ekkert í hvorn fótinn það á að stíga.

kv
Ingutetur

hvað er að mér eiginlega!!!

2006-10-02T07:53:00.000-07:00

.. nú ætla ég að byrja að blogga á ný eftir sumarfríið.. sem er þó löngu búið!

ég er bara svo mikill sökker að ég þori varla að segja frá því:
1. ég er ekki í skóla
2 ég er ekki í pianóinu
3. Ég er ríkisstarfsmaður
4. Við eigum nýjan bíl (næstum því)
3. Ég er virkur djammari
4. ég er virkur pizzuétari

djöfulsins ógeð er ég.

mynd af bílnum næst .. hann er voða krúttaður! ;)

kv frá þessari rótlausu!

loksins bloggað á klakanum

2006-09-03T15:08:00.000-07:00

Þá erum við komin heim eftir þessa ferð. Þetta var ótrúlga gaman og vel heppnað. Við nutum þess í botn að vera þarna og margt sem stendur uppúr. Við lentum svolítið harkalega, vorum bæði búin að lofa okkur í vinnu þessa helgi svo maður hefur verið í vörkinu, ég þurfti þó að hringja mig inn veika fyrsta daginn af sökum magaónota – ég held svei mér þá að við íslendingar séum með ónýta magaflóru, við þolum ekkert ef það er ekki sterílt!! Hvað um það.. ég setti inn fáeinar myndir í myndaalbúmið mitt, við vorum ekkert voða dugleg með myndavélina á strandstaðnum, allir strandstaðir eru svipaðir og það er ekkert spennandi að festa berrassaða breta á filmu.

framundan er vinna í vetur. Þetta er fyrsti veturinn sem ég fer að vinna en ekki í skóla svo tilfinningin er frekar fönki nú þegar haustið er að detta inn!

Ég læt þetta duga í bili – meira seinna

Knús og kossar til allra í heimi nema illmenna!
p.s þessi mynd er af kisanum mínum, hann ákvað fela sig til a láta sér batna í friði. Hann fékk nefninlega slæma sýkingu og varð voða veikur meðan ég var úti en er var að braggast þegar ég kom heim og það er auðvitað Döggu, múttu og pabba að þakka. :o) hitt er annað mál að rófan á honum er eins og lömuð lufsa sem hann dregur á eftir sér - þar fékk hann nefninlega sýkinguna og er algjörlega handónýtur í rófunni - hann er því fremur rislágur!

solin og strondin

2006-08-22T04:46:00.000-07:00

thad var rosa gaman ad vera i Sofiu, vid nutum dvalarinnar alveg i botn. forum a goda veitingastadi og verdlagid tharna er algjort grin. Thad er svo odyrt ad madur skammast sin!! Thad gat verid thrautin thyngri ad finna ser mat i Tyrklandi sem vid urdum ekki veik af, vid vorum tvi a mjog einhaefdu faedi, reyndum ad finna venjuleg kaffihus og tokum engar ahaettur, tvi var thad kaerkomid ad fa almennilegan mat i sofiu. Vid erum nuna komin aftur a golden sands, her er afsloppunin i hamarki, okkur finnst thetta lida ansi hratt, komum heim e. viku. Mig er tho farid ad hlakka til ad komast i raektina og borda fisk og hafragraut.. :) hehe

Vid aetlum kannski ad fara i einhverjar dagsferdir hedan, og audvitad aetlum vid i vatnsrennibrautagardinn .. thihihi..

meira seinna.
kv fra ingu og solva

Sofia

2006-08-17T02:48:00.000-07:00

.. Nu erum vid buin ad skila af okkur hotelherberginu her i istanbul, forum uta flugvoll eftir 10 min, tokum flug til Bulgariu. vonandi verda ekki beygjur og sveigjur i flugvelinni eins og i rutnni a leidinni hingad.. vid erum alveg eiturhress, baedi ad taka syklalyf og solvi er alveg ordinn mjog spraekur :)

meira sidar.
addios fra ingulo

matur og tyrkir

2006-08-14T11:24:00.001-07:00

hallo aftur..

nu erum vid buin ad vera i istanbul i 5 daga, thetta hefur verid mjog gaman en thad kom tho babb i batinn tvi solvi nadi ser i matareitrun og vard daldid mikid veikur. hann hefur tvi haldid sig a dollunni med rennandi en nu er hann buinn ad fa syklalyf og er a batavegi. mamma min reddadi tvi audvitad.. hver onnur. eg hef lika verid skrytin i maganum en thad er bara edlilegt held eg. Hitinn og maturinn her er svo allt odruvisi en vid eigum ad venjast!! litid passad uppa hreinlaeti vid matargerd. Stundum hef eg a tilfinningunni ad kokkurinn se ny buinn ad bora i rassgatid a ser og nefid a ser adur en hann byr til matinn!! Annars eru Tyrkir agljorlega frabaert folk, eg er komin med gj0rsamlega nyja syn a tha. Their eru svolitid agengir their sem eru ad reka budirnar og vilja selja manni hluti.. gjorsamlega toga mann inn en allajafna eru their frabaerir. her a hotelinu erum vid medh0ndlud eins og kongar.

her eru margar moskur, allt i kringum okkur og baenakoll 5 sinnum a dag og tha fara muslimarnir ad bidja inni i moskunum, snua ser til mekka. thetta er otrulegt og thessi koll eru mjog spes. her eru allar konur med blaeju eda flestar og sumar hylja allt nema augun. Eg sting tvi svolitid i stuf gangandi um i stuttu pilsi en eg er bara ad drepast ur hita herna og get ekki hugsad mer ad ganga um i buxum. Svo leyfa their ser stundum ad stara a ljoshaert og ljost folk eins og okkur Solva.. theim finnst vid voda merkileg .. hehe.

Thetta er ad morgu leyti otrulega skrytin borg, annars vegar eru thad hard truadir muslimar, margar moskur og mikil tru en hins vegar (10 min keyrsla hedan) er algjorlega allt onnur menning. Thar eru fullt af tiskubudum, mc donalds, burgerking og pizza hut (alvoru menning), engin agengni og bara allt annar morall en er her i okkar hverfi. Tharna er breidgata (minnir a Strikid i koben) og heill hellingur af budum, nytisku kaffihusum og finheitum. eg verd ad vidurkenna ad mer lidur betur i theim hluta borgarinnar tho thad se frabaert ad kynnast hinu lika.

nu aetla eg ad haetta og sinna sjuklingnum minum sem vonandi verdur stalsleginn a morgun

kv fra ingu :)

rutan

2006-08-09T21:58:00.000-07:00

hallo fra istanbul, vorum ad koma a hotelid okkar eftir 12 tima rutuferd sem var ansi merkileg svo ekki se meira sagt. vid stigum inn i rutuna kl 7 i gaerkveldi og rutan var full af russneskum turistum og med russneskan gaed sem taladi helv mikid og vid skildum ekkert. Skildum tho thegar vid vorum komin ad landamaerum ... skildum ordid "passaporta" (bruski ruski bruski passaporta ruski bruski..) thad var allt i rugli thar vegna thess ad innan um thessa russa voru svartir saudir sem voru vid solvi og tveir kanar.. thetta tok endalausan tima allt utaf okkur. their vildu rannsaka okkar vegabref og skoda i farangurinn en vid bara tokum tvi rolega og spjolludum vid kanana.
vegurinn sem vid keyrdum eftir var algjorlega handonytur thannig ad thetta einkenndist af hossum og hristingi, beyjum og vitleysu en hingad erum vid komin heil og sael eftir 12 tima rutuferd daudans. Erum nu ad bida eftir ad herbergid okkar verdi thrifid tha tokum vid blund. okkur list vel a thetta her, erum nu thegar buin ad finna okkur nokkrar dagsferdir sem vid aetlum ad fara i. Verdum her i viku og tokum tha flug til Bulgariu en aetlum ad vera i Sophiu (hofudborg Bulgariu) i 3 naetur adur en vid holdum aftur a strondina.

laet heyra i mer fljotlega, er ad sofan ofan a lyklabordid.

kv fra ingu og solva i russandi stemmningu :)

p.s Dagga systir a afmaeli i dag
Til hamingju elsku systa min.. :)

solin

2006-08-06T07:36:00.000-07:00

hallo fra Bulgariu thar sem hitinn er rosalegur, solin sterk og bjorinn kostar ekki neitt. rett ad kasta sma kvedju a ykkur, geri litlar krofur til ykkar um ad les thetta blogg thar sem bloggleti min hefur nad hamarki i sumar. vid hofum thad mjog gott, aetlum ad brjota adeins upp letilifid her og fara i sma ferdalag a morgun. Erum svo buin ad finna okkur rutuferd tid istanbul a midvikudaginn, ferdin thangad tekur adeins 10 klst i rutu svo thad er stemmning i thessu. Verdum i istanbul i viku og tha verd eg ad vera dugleg ad blogga. Vona ad vid verdum ekki raend thar, thessi arabakvikindi (afsakid fordomana) eru svoddan ruddar.. (vonandi er enginn tyrki ad lesa bloggid mitt) ..

Annars fatt sem eg get satt, thessi stadur er ferlega fyndinn, hotelid er vid str0ndina og her er ekkert nema turistar. Thetta er halfgert baeli sem buid er ad gera fyrir turista til ad liggja i sol og drekka bjor. T.a.m eru barir ofani sundlaugunum her. .. merkilegt.. madur liggur a vindsaeng vid barinn bara.. :)

meira seinna
addios
Inga

sveitaloftið.

2006-06-30T16:11:00.000-07:00

hæhæ og hóhó..

við Sölvi ætlum að fara útúr bænum á morgun, planið er að fara á Snæfellsnesið því hann Siggi stormur spáir veðurblíður þar.. eða allavega ekki rigningu og rigning er ekki á óskalistanum!! á Ólafvsvík eru einhverjir dagar - Færeyskir að ég held - þannig að við getum aðeins kíkt þangað, tekið rúntinn og haft það næs.

Annars er fátt að frétta. - henti inn einhverjum 5 myndum í albúmið mitt fyrir hana systu mína:) það koma fleiri (við pabbi finnum ekki snúruna af myndavélinni hans, er hún einhversstaðar á þínum vegum elsku stóra systa mín??)

gott í bili..

gúd næt!

Þá er ...

2006-06-25T14:21:00.000-07:00

.. ég loks útskrifuð úr skóla þeim er kenndur er við HÁ!! .. dagurinn í gær var bara ótrúlega skemmtilegur, útskriftin tók heila 2 og ½ tíma og þar sem við áttum að mæta klukkutíma fyrir athöfn var því stórum hluta dagsins varið í laugardalshöllinni. Þvílíkur fjöldi og þvílík færibandavinna, mér leið eins og ég væri fiskflak á færibandi sem væri verið að roðfletta og beinhreinsa. En það var samt dáldið gaman að taka við skírteininu. Rektorinn er að öllum líkindum með beinhimnubólgu og harðsperrur í hægri höndinni þar sem hún stóð á sama punktinum í 2 klukkustundir og tók í höndina á 1000 nemendum, ég var sú þriðja seinasta sem hún tók í höndina á – spurning hvort hún hafi verið komin með heilu ættbálkana af sýklum á sig!
Eftir athöfnina var smá veisla í kvíslinni og ég fékk til mín marga góða gesti. Sú gula lét sjá sig aldrei þessu vant svo það var hægt að vera úti í garði án þess að fá bronkítis! Við Lilja fórum svo úr minni veislu í partý og svo í bæinn og þar var margt um manninn og bara massa stuð :o)

Nú tekur vinnuvika við og svo aftur frí um helgina, vei vei vei. Ég ætla að fara eitthvað út úr bænum, kíkja jafnvel til brósa og skoða nýja folaldið mitt .. já elskurnar.. ég er orðin amma, hún Þóra mín átti folald um daginn. Sölvi er líka í fríi þannig að við getum gert eitthvað saman, andað að okkur fersku sveitaloftinu.

Ég var ansi slöpp með myndavélina í gær, tók mjög fáar myndir og aldrei þessu vant var hann pabbi minn líka slappur í myndatökunni svo við eigum fáar myndir en ég er að reyna að sanka að mér frá þeim sem voru með myndavélar, set í albúmið þegar fleiri koma í hús :o)

Knus og kram
Ingan

SKÁL!!:)

mellur, merar og .. prjónaskapur!

2006-06-15T20:41:00.000-07:00

Skv fréttaflutningum verðum við Sölvi rænd úti í Búlgaríu, kannski frekar Sölvi þar sem mellurnar eru skæðar, ráðast á unga saklausa pilta, grípa í punginn á þeim og ræna þá. Ég held ég muni ekki þora að senda Sölva einan út, hann gæti komið berrassaður, allslaus og geldur til baka eftir árás frá melluhóp.

Annars er ég á næturvakt, allt með því rólegasta (þannig er það nú ekki alltaf á spítalanum því fólk kemst stundum í stuð á nóttunni). Við tekur svo vinnuhelgi og helgin þar á eftir er útskriftin margumtalaða og þá kemur þetta vesen .. í hverju á ég að vera??? Ég finn akkúrat ekki neitt.. ég er búin að ráfa um eins og riðveik rolla á milli búða og aldrei finn ég neitt, ég er alveg með dressið í hausnum og sé þetta allt saman fyrir mér.. spurning um að taka bara upp saumavélina. Ég er bara svo léleg saumakona, eina sem ég kann að sauma eru öskupokar og ekki get ég verið í því, ég er betri í prjónunum – afrekaði heila peysu í fyrra og er voðalega stolt … reyndar sagði amma að peysan væri ágætlega gerð hjá mér “en þú myndir nú aldrei geta selt þetta” sagði hún svo. Ég sem sá fyrir mér hörku bisness í þessu…

.. Nóg af þessu þvaðri og í annað þvaður – ég er virkilega farin að hlakka til að fagna þessari útskrift minni með rauðu, hvítu og gini. Það verður vegleg bæjarferð með öllu tilheyrandi og ég ætla að vera sú hressasta á svæðinu. Kíkja á Vegó, Óliver og þræða þessa staði. Eins gott að hafa til taks 10 skilríki já og kannski passann bara þar sem dyraverðirnir eru farnir að biðja mig um a.m.k 2 skilríki til að sanna að ég sé ég og að ég sé 24 en ekki 15 ára. Ég verð bara að sætta mig við ofurbarnalegt útlit, hélt þó að nýja klippingin myndi gera mig aðeins fullorðinslegri en svo virðist ekki vera. Einn sjúklingurinn minn (að vísu svolítið ruglaður) bað mig í gær vinsamlegast um að sækja “konuna”, hann skildi ekkert hvað þessi litla vitlausa stelpa væri að röfla í honum “viltu sækja konuna vinan”. Já og í gær hringdi ég í múttu í vinnunna..sú sem svaraði sagði að það væri lítill krakki í símanum sem vildi tala við mömmu!!!! Lítill krakki hvað..

.. Nú er ég hætt að bulla – en vil þó tilkynna ykkur það að endajaxladótið er bara allt komið í gott stand. Bjúgað farið, verkirnir að mestu farnir og ég get tuggið, þarf ekki að jappla eða sjúga matinn minn lengur. Ora fiskbollurnar komu að góðum notum, vel maukaðar með tómatsósu en nú er ekki þörf á þeim blessuðum.

Er á leiðinni að setja inn einhverjar myndir í nýtt og fallegt albúm. : )

Sofið rótt í alla nótt litlu hænuungarnir mínir
Ingulingur .. sem kemst kannski í reiðtúr á sunnudaginn.. vúhúú..

ááááiiiiiiiiii

2006-06-09T12:10:00.000-07:00

Hér kemur færsla frá naggrísi einum!

S.l þriðjudag tókst mínum frábæra tannlækni að breyta mér í naggrís eða kannski fílamanninn öllu heldur. Þrátt fyrir snilldartakta hans í tannlæknastólnum þá hef ég verið eins og bólgið bjúga síðan hann tók úr mér endajaxlinn og einhvernveginn virðist þessi bólga ekkert ætla að fara á næstunni. Hún hefur jú minnkað aðeins!! Þetta var ekki gott og nú þýðir ekkert að segja við mig “ Það er ekkert mál að láta taka úr sér endajaxl” Það er bara fucking mikið mál – sérstaklega þar sem ég er með fönkí endajaxla - ræturnar allar á ská og skjön – svolítið rótlaus pía! En þetta grær áður en ég gifti mig. ;)

Þessi vika hefur því verið hin rólegasta, ég hef legið uppí rúmi eins og skata og lesið, sofið, tekið verkjatöflur (aldrei að vita nema ég verði orðin pillufíkill eftir þetta allt saman).. já og svo hef ég horft á DVD myndir!! Þess á milli hef ég látið ofaní mig maukfæði og fljótandi. .. – mig langar í ristað brauð!!

En að öðru – Dagga systir og Ragnar mágur fóru ásamt börnunum sínum til USA í dag, þau ætla að vera þar í mánuð hvorki meira né minna!! Þau eru að heimsækja vinafólk sitt en þau búa í Michigan – akkúrat þar sem ég vann í sumarbúðunum eitt sumar. Ég var alveg komin að því að stökkva í ferðatöskuna til að heimsækja svæðið og skoða hvernig sumarbúðirnar líta út!! Já og heimsækja fólkið sem ég kynntist þarna.. ohhh það var svo gaman. En allavega – ég vona að systa og co hafi það frábært og njóti dvalarinnar, þeirra verður þó sárt saknað á útskriftardaginn minn og fleiri daga svossum. Það er svolítið tómlegt án þeirra en það verður súper gaman hjá þeim veit ég!
Svo er hann brósi úti á Benedorm með sinni fjölskyldu, vona að þau geti notið sólarinnar og slappað af og slefað þar.

og að enn öðru – Hún Sigrún vinkona mín kemur heim í dag frá Köben, þar hefur hún verið í heilt ár og það verður svo gaman að fá hana heim. Hlakka til að fá hringingu frá henni þegar hún er búin að kjassa og knúsa fjölskylduna sína :o)

svo líður að komu Hildar og hennar fjölsk, váts.. við höfum helling að tala um!! Hehe.. sé fram á mikla hittinga á næstunni – það er því eins gott að þetta jaxladót fari að gróa svo fólk geti verið nálægt mér ;)

kveð að sinni

Þorbjörg Inga
Bara með 3 endajaxla

hér er mynd af ungfrú ógeði .. ég er nú dáldið kjútípæ á þessari mynd (ojjjjjjjjjjjjjjjjjj)
hvaða nötter setur mynd af sér í svona ástandi á bloggið sitt.. jæja.. þetta er bara cool ;o)

Svíaveldið, ritgerðin og hversdagsleikinn

2006-06-03T09:19:00.000-07:00

Held það sé orðið tímabært að blogga, nú blasir hversdagsleikinn við á ný eftir fríið í Stockholmi. Það var indælt að vera í Stockholmi, frekar kalt og leiðinlegt veður en það er alltaf næs að rölta um stræti stórborgar og versla, drekka kaffi og fá sér rauðvínsglas.
Ferðin byrjaði þó allt annað en vel! Ég þurfti endilega að krækja mér í ælupest þá nótt sem við flugum út, vegna viðbjóðar var ég að því komin að hætta við að fara út á flugvöll og bara hætta við þetta allt saman!! En ég ákvað að drífa mig.. vera ekki með neinn aumingjaskap.. litla aumingja ég.. hehe.. en allavega, Sölvi sýndi snilldartakta sem eiginmaður þar sem hann stumraði yfir fársjúkri eiginkonu sinni í flugvélinni en flugið einkenndist jú af ælu og ógeði. Þetta rjátlaðist svo allt af mér og ég var fær í flestan sjó daginn eftir.
.. Við nutum því dvalarinnar og ótrúlegt en satt þá smitaðist Sölvi ekki af þessari annars mjög smitandi pest!
En ég mæli með Stockholmi, mjög gaman að vera þar og margt hægt að gera, við gerðum þó lítið annað en að rölta um í bænum og sitja á kaffihúsum og veitingahúsum, já og við lásum líka bækur eftir Dan Brown!

En nú get ég ekki orða bundist.. Við Lilja fengum einkunn fyrir litla barnið okkar í gær (ritgerðina), við fengum 9,5 !!!! og erum rosa ánægðar píur.

Annars var ég rétt í þessu að ljúka vinnudeginum, mikið að gera í vinnunni en þannig er nú bara ástandið á spítalanum yfir höfuð, allir á fullu – það er reyndar ágætt því þannig líður tíminn og þetta verður bara fjörugt!

meira seinna

p.s Við erum flutt á Laugarteig 35, æðisleg íbúð sem við fengum uppí hendurnar og staðsetningin algjör draumur þó þetta sé nú ekki framtiðarhúsnæðið :o)

kv
Ingaló!

úfff..

2006-05-23T13:44:00.000-07:00

.. það er að koma að því! á morgun munum við Lilja flytja ritgerðina okkar og skv. nýjustu heimildum verður fullur salur af fólki sem mun stara á okkur og hugsa "æ greyin". Þetta mun taka 20 min. og við verðum bara að hugsa eitthvað fallegt á meðan. .. shiiiit, við erum alveg rooooosalega stressaðar fyrir þetta!!

Eftir ritgerðarflutninginn og spennufallið ætla ég heim og taka legg því ég geri ráð fyrir litlum svefni í nótt. Eftir legginn bíða þrifin og pakkið, erum nefninlega að flytja en erum þó komin nokkuð vel á veg með þetta allt saman. Annað kvöld ætlar bekkurinn minn svo út að borða á Lækjarbrekku, gæðum okkur á þriggja rétta máltíð og höfum það gaman til að fagna annars vegar nýafstaðinni niðurlægingu uppi á sviði og hins vegar launabaráttunni þar sem við fengum kröfur okkar uppfylltar ;) frekjurnar!!
já það er einhvernveginn allt að gerast, .. á milli þess sem ég er viðbjóðslega stressuð er ég viðbjóðslega ánægð.. ekki síst vegna þess að Stockholmur bíður okkar Sölva á föstudaginn.

jæja.. nú ætla ég að anda inn og anda út og halda mig við það þangað til á morgun. Endilega hugsið til okkar Lilju kl 11 í fyrramálið því þá er komið að okkur, við viljum afstressunarstrauma.

addiós

Eftir viku ...

2006-05-17T16:47:00.000-07:00

..

- Er júróvsíjónið búið (djamm ársins)
- Er ég búin að flytja ritgerðina mína (stress ársins)
- Er ég búin að skila ritgerðinni endanlega (léttir ársins)
- Er ég búin að fara í klipp og lit (breyting ársins)
- Er ég flutt í nýja íbúð (hmm.. eitthvað ársins)
- Liggja niðurstöður kjarabáráttunnar fyrir (ákveðni ársins)
- Fer ég að vinna eftir viku - ef við fáum launaóskir okkar uppfylltar (ábyrgð ársins)
- Fer ég til útlanda á morgun (afslappelsi ársins)
- Fer ég í endajaxltöku eftir tvær viku (sársauki ársins)
- Útskrifast ég eftir 4 vikur (gleði ársins)
- Fer ég í ferðalag eftir tvo mánuði (spenna ársins)
- Verð ég búin að taka ákvörðun - nám eða vinna næsta ár- (ákvörðun ársins)

.. já, það getur margt gerst á einni viku. Það er skrýtið til þess að hugsa að eftir viku verður svo margt búið bara!!..
en síðast en ekki síst..
- eftir viku er fimmtudagur á morgun!! það er það merkilegasta..

sjáumst.. eftir viku :o)

(p.s myndin hér er af dimmu litlu sem brósi á, eftir viku - verður hún ein heima eftir 2 vikur í eina viku, kannski að ég taki hana dimmu að mér ... í viku)

Ostur er veislukostur

2006-05-15T14:25:00.000-07:00

Nú get ég sagt með fullri vissu að útskriftin mín verður nú í vor! Allar einkunnir komnar í hús og enginn bubbi í bátnum! Þvílíkur léttir sem þetta nú er þrátt fyrir að vera nokkuð viss þá veit maður aldrei. Ég sendi alla mína strauma til þeirra fáu sem féllu í prófunum og þurfa að standa í veseni vegna þess.
Svo ég haldi áfram að upplýsa ykkur enn frekar um gang skólamála þá er ritgerðin líka ansi vel ég veg komin. Hún er bara búin!!

Lífið er því nokkuð ljúft þessa dagana, smá stúss yfir daginn í tengslum við skólamál. Svo eru það flutningarnir á næsta leyti, þið sem ekki þekkið mig “ég HATA að þrífa og taka til” og þá vitiði það! Það bíður mín/okkar fullt af þríferíi, ætlum að rumpa þessu af fyrir stockholm. Ipottinn minn, þessi elska, mun vera mér til halds og trausts, má vera að ég verði orðin heyrnardauf í lok mánaðarins..

Í dag er mánudagur, mér finnst alltaf vera mánudagur, kannski vegna þess að það er alltaf helgi ;o) skarplega athugað hjá Inguló. Hvað um það, það var lítið gert þessa helgi, skruppum í táfýlubíó og that’s about it! Já ég segi táfýlubíó vegna þess að það er táfýla af ostasósunni sem allir eru slafrandi í sig í bíóum nú til dags, næst þegar ég sit við hliðina á ostasósuslafrara þá ætla ég að fá miðann endurgreiddan, ostasósa er viðbjóður!! En myndin var góð.

Næsta helgi verður skemmtileg, ætla að vinna mér inn smá pening á föstudaginn með einni aukavakt, vinna mér inn fyrir ginpelanum og rauðvíninu sem drukkið verður á júrókvöldið!
Ég verð að viðurkenna að ég held ekki með þessari Silvíu night, sorry… út með gæruna. Þetta er ekki hinn eini sanni íslenski júróandi..

nóg um þvaður í bili.

Ingan

p.s hann Eyþór Arnalds skeit svo illilega í brækurnar um helgina, hann hefur ekki skeint sér ennþá en er að vinna í því með að koma vælandi í fjölmiðla og iðrast gjörða sinna.. maðurinn var ekki einungis léttur, hann var draugfullur, - kallinn keyrði á ljósastaur!!! ble ble

Twist of love

2006-05-10T16:12:00.000-07:00

Áfram Danmörk!!!

"Once upon a time there was this guy called Johny"... frekar glataður þessi johny þar sem hann kunni ekki að tvista, .. "and he didn´t feel the groove.."

Lagið heitir einfaldlega: Twist of love ;)

Hlustið á lagið.. þetta er nú þegar komið inná Ipottinn minn..

http://212.30.217.117/eurovision

Ferðalög og flugurnar

2006-05-09T09:05:00.000-07:00

Tími fyrir blogg!!

Í þessum töluðu orðum sit ég úti í garði hjá mömmu og pabba með tölvuna, það er bara einum of erfitt að sitja inni í mygluðu herbergi að vinna í lokóinu, þá er bara að taka vinnuna með sér út. Annars verður mér lítið úr verki þar sem athygli mín fer að miklu leyti í bíflugur sem eru hér útum allt og gera sig líklegar til að ráðast á mig og stinga mig þá og þegar. Kisi er hér en hann er ekki að standa sig sem body guard! Ég er sjúklega hrædd við öll kvikindi.

Hvað um það – við Sölvi vorum að enda við að borga inná ferðina okkar. Þann 3. ágúst leggjum við af stað í smá ferðalag en endum samt á því að slefa við svarta hafið, verðum jú í Búlgaríu frá 17. – 31. ágúst. Frá 3. til 17. ágúst ætlum við að ferðast svolítið á eigin vegum um Austur – Evrópu. Kíkjum m.a. til Rúmeníu og Tyrklands, sleppum þvi að heimsækja Halimal í þetta skiptið! Þetta verður vonandi góð ferð. Svo er nú kósý að hafa 4* hótel þarna í 2 vikur já og bleikan G – streng fyrir Sölva sem ætlar að dilla sér á ströndinni. .. meira um ferðina síðar.

Nú er sumarið algjörlega komið að mér sýnist, ekki langt í lokaskil á ritgerðinni. Búnar að skila einu sinni 100 bls og erum bara nokkuð sáttar. Fáum þetta e.t.v. einu sinni í smettið aftur fyrir loka loka loka skil. Þegar kemur að þeim skilum ætlar Inga að fá sér snúning með gini og glensi. Þið munið e.t.v. finna mig á kaffi austurstræti því ég mun ekki slá rónunum þar slöku við!

...Og nú er bara beðið eftir euróinu, ég er ótrúlega spennt og er að hafa mig alla við að finna góð eurólög til að brenna á diska fyrir európartýið.. vííí.. Gaman saman

Læt þetta dug í bili.

Kv frá Ingu og flugunum

Euroið!!

2006-05-01T15:54:00.000-07:00

Muniði hvað það var gaman í europartýinu?? þ.e þið sem voruð á staðnum! var að henda inn nokkrum myndum svona rétt til að hita upp í mannskapnum, leikurinn verður að sjálfsögðu endurtekinn þetta árið.. og nú er ég ekki að fara í próf á mánudeginum líkt og í fyrra.. hvað var það?? tss.. lét það nú ekki stoppa mig í gleðinni ;o) hehehe

Nú er bara málið að koma sér í gírinn ..

kv frá Ingu í júróstuði ;o)

hopp og hí og trallalla

2006-04-29T07:35:00.000-07:00

Það er alltaf gaman hjá Ingu núna fyrir utan það þegar hún situr fyrir framan þessa maskínu og skrifar lokaverkefni, ég er reyndar farin að sjá í endan á þessum ósköpum. Erum búnar að senda leiðbeinandanum okkar alla kaflana og þá er bara lagfæring og allskonar stúss eftir .. tímafrekur anskoti en það reddast! Lilja kemst til Köben og ég kemst til Stockholms í lok mai!

Dagsskráin mín er búin að vera svo ljómandi skemmtileg alla þessa viku.. búin að hitta stelpurnar á vegó, fór með Sölva á ítalíu og við fengum okkur rosa góðan mat, fór á kaffihús í gær og fékk mér einn öllara sem ég renndi niður með rauðvínsglasi, í kvöld er það svo alvöru tjútt með gini og glensi, ætla að skella mér með Lilju og co! svona á þetta að vera.. eintóm hamingja! snollaða ritgerðin á daginn og gleði á kvöldin!

Annars er það að frétta að við munum flytja héðan e. tæpan mánuð, förum í frábæra íbúð sem tengdó á, þetta er kjallaraíbúð á laugareignum, stór og flott, fáum hana á góðum prís og staðsetningin hentar okkur afskaplega vel. :)

læt þetta duga, fleiri fréttir af mínum seinna..

þar til næst..

Ingzan

gleði gleði gleði!!

2006-04-25T10:41:00.000-07:00

hæhæ, verð nú aðeins að láta í mér heyra, dagsskráin er búin að vera svo stíf síðan ég gekk útúr prófinu í gær kl 12:00. Get nú ekki sagt annað en að kennararnir í barnahjúkrunarkúrsinum hafi látið okkur púla í þessu prófi!! allavega.. eftir prófið í gær var nefninlega förinni heiti í sumarbústað í Brekkuskógum með hluta af bekknum mínum og mikið var nú gaman!
Við Lilja vorum alveg á báðum áttum fyrst, hvort við ættum að drífa okkur eða hvað.. (við gerum sko alltaf allt saman .. hehehe) en við ákváðum að drífa okkur og sáum sko ekki eftir því. Við komu var grillað og skálað í góðu víni, svo fórum við í "aksjónarí" sem var snilldin ein. Maður gat hlegið alveg suddalega.. hvernig er annað hægt, ég átti t.d að leika kjötbollu!! þetta var svona "homemade" akjsónari þar sem við skiptum í lið. Nú og svo eftir söng og smá kjaftagang var haldið í pottinn og þar sátum við fram eftir nóttu og ræddum hin ýmsu mál. Þetta var ótrúlega skemmtileg ferð og vel heppnuð.. í morgun vöknuðum við svo kl 8:30 nákvæmlega (ótrúlegt hvað maður á erfitt með að sofa eftir svona lagað), tókum til og héldum í bæinn. Ég varð nú að taka smá legg eftir þetta alltsaman en við mammsan mín kíktum aðeins í kringluna áðan og fengum okkur kaffisopa svona til að gera okkur glaðan dag.

Svona hefur dagsskráin verið hjá mér s.l sólarhringinn, eintóm gleði og hamingja. Á morgun byrja ég að setja saman lokaverkefnið á ný og annað kvöld ætlum við stelpurnar að hittast á Vegamótum og hafa það huggó. .. æði gæði.. :o)

Það er svo frábært að vera búin í prófum en ég krosslegg fingur, vona bara að ég hafi náð þessu!!

bæ í bili

Ingsan

Ingutetrið..

2006-04-22T11:32:00.000-07:00

híhíhí... æji mig langaði að byrja bloggið á ný! Það er einhver stemmning við þetta ekki satt..? Hvar á maður svo að setja allar myndirnar sem maður tekur á fínu myndavélina sína ef maður er ekki með heimasíðu og myndasíðu.. dæmið bara gengur ekki upp.

Vonast til að hér verði lítt um leiðindi og vesen. Við viljum ekki svoleiðis..

velkomin(n) á Ingutetrið.. :o)

set inn eitthvað djúsí soon já og myndir og fínerí, þarf að starta þessu öllu á ný og ætla að búa mér til góða myndasíðu..

kv frá Ingsunni